Fasnacht 2024:

In Ämmebrogg, wo d Schrebergärte emmer weniger wärde,
tanzed die fröhliche Chaostroppe Gartezwärge.

Öberall geds neui Hüüser, Plätz ond Stäge!
Do hemer vom Chaos-Garte-Kommando öpis degäge!

Chrüter, Gmües ond Ärde, Garette wiis,
werd die Betonwüesti ruckzuck weder zom Chaos-Garteparadies.

Abem Schmudo gods be eus de weder rond.
De Urknall metem “Fötzelirääge” tued d Fasnacht kond.

Chom au du be eusem Gartehüsli verbi,
be eus geds Zwätschge för riisegross ond zwärge-chli.

Fasnacht 2023:

Fasnacht 2022:

 

Egal ob Sonne, Mars, oder sösch öpis im Quadrant,
mer Emmer suechid emmer noch meh Bouland.
Das ged fröschi Stürzahler am liebschte riichi,
wo denn üsi Scholde beglichid.
S Emmer Rumfahrt Programm stod chorz vor de Gröndig,
hoffentli wärdid mer so denn au föndig.
Ond wenns ned klappe set met üsne Plän,
egal, denn flügid mer halt nor dor de Kanton Lozärn.

Fasnacht 2021:

Fasnacht 2020:

Egal ob Sonne, Mars, oder sösch öpis im Quadrant,
mer Emmer suechid emmer noch meh Bouland.
Das ged fröschi Stürzahler am liebschte riichi,
wo denn üsi Scholde beglichid.
S Emmer Rumfahrt Programm stod chorz vor de Gröndig,
hoffentli wärdid mer so denn au föndig.
Ond wenns ned klappe set met üsne Plän,
egal, denn flügid mer halt nor dor de Kanton Lozärn.

Fasnacht 2019:

Be eus ide Chaos-Kneipe uf hölzige Bänk,
verzellt mer sech Seemannsgschechte zu schüümende Getränk.
Met jedem Getränk werded die Gschechte welder,
genau wie die alte Abentür, festghalte uf Belder.
Chom au du i eusi Kneipe eis cho bstelle,
dChaos-Hafe-Troppe hed no vell zverzelle.

Fasnacht 2018:

Well d Gmeind meh Stüürgälder mues itriibe,
chönd mer ned länger in Ämme blibe.
Bi Mondschiin dönd mer id Wälder flöchte
ond brönnid starchi Schnäps us Fröchte.
Die send scharf ond möchid blind, üsi War esch nüd för chlini chend!

Fasnacht 2017:

Uf de Pirsch om uf Böck ond Rehli z’ziile,
dönd mer au in Ämme verwiile.
Mer streifed dör dWälder, rüefed „Weidmansheil“!
Jage, das esch doch huere geil!

Fasnacht 2016:

Üsi Chend spelid afe lieber met de Playstation
ond chattid met em Handy,
dere Entwecklig setzid mer jetzt es Ändi!
S’grosse Chasperlitheater vode Chaostroppe
cha doch sones iPhone nie ond nimmer toppe!

Fasnacht 2015:

Nämid üch in Acht vor de Ämme Pirate,
mer ergriiffid d Macht ond holid all üches Ersparte.
Anstatt no meh Strosse, Hüser oder Boustellä,
nämid mer s Gäld lieber zom frösche Rum bschtellä.

Fasnacht 2014:

En Tunnel vo de Stadt bis i Ibach esch för d’Chatz,
mer forderid en Haltistell am Seetalplatz!
Ond wer meint, dass das üs Chaote längi,
dem segi gseid, mer bohrid bis id Sprängi!

Fasnacht 2013:

Prinzässsin, Cowboy ond Banane send mer scho gsi,
Sett 10 Johr chömed ehr ned a üs verbi.
Das Johr möched mer das, wo alli vo üs düend erwarte,
mer düend üse chranki Wage starte!

Fasnacht 2012:

Schänkeli, Zwätschgewasser ond Zegerchrapfe,
a de Fasnacht mues üse Körper ganz schön chrampfe.
Damet mer sech au am Omzog gsond cha ernähre,
chömed mer als Frochtbar do häre!

Fasnacht 2011:

Ämme esch nömme das, wos mol esch gsi,
wett si en Stadt för Wohne, Sport OND Industrie!
Drom woged au mer de Spagat,
ond chömed als Prinzässine met Bart.

Fasnacht 2010:

Ändli cha mer z Ämme weder i Uusgang,
uf das wartid mer doch alli scho so lang!
Es paar schöni Beize heds, doch mer wend no meh
ond forderid drom es HARD ROCK CAFE!

Fasnacht 2009

Weldi, weldi Fasnacht!
Verschwendet de letscht Indianer i sim Tippi
verchrücht sech jede Hippi
schreit jedes schöne Meitschi „Höi!“
weis jedes Chend, es chond en Chaos-Cowboy

Fasnacht 2008

Üsi Bienli send vom Usstärbe bedroht,
gli geds e keis meh, es Honigbrot.
Bösi Milbe heds i de Bienlihüsli,
das fendt de Imker schampar grüüsli.

Fasnacht 2007

Met Chettehömmli, Schwärt ond Röschtig,
kämpfid mer zvoderscht a de Bröschtig.
Mer verteidiged si rond om d’Uhr,
üsi Lozärner Bierkultur!!

Fasnacht 2006

Met üsem Wätter werds emmer schlemmer,
gli hend mer a de Fasnacht Wätter wie im Sommer.
Ond hed sech de d’Wärmi bis öber d’Alpe verbreitet,
send mer Chaote vorbereitet!

Fasnacht 2005

BigBrother, Starmania, Superstar,
das ged Quote, wonderbar!
S’Schwiizer Färnseh seid, das chönd mer au,
mer startid met Gotthelf-TV

Fasnacht 2004

Samichlaus, Chreschtchendli, Wiehnachtsmaa,
mer fönd das Johr scho im Februar ah.
Im Ämme Center hanget d’Belüchtig scho im Oktober a de Wänd,
das esch de Grond wiso mer scho a de Fasnacht Advänsziit händ!

Fasnacht 2003

I üsne jonge Johr hend mehr no
keis offiziells Motto gha,
eifach CHAOSTROPPE on TOUR